அரவணைப்பு

-
நாமெல்லாம் தொடர்ந்து அதுவும் ஒரே நாட்களில் பல முறை அரவணைப்புகளை பெற்று வளர்ந்திருக்க மாட்டோம். அதற்காக நமது பெற்றோர்களுக்கு நம் மீது அன்பு இல்லை என்று சொல்லவில்லை. அந்த அன்பு உடல் மொழிகளாக வெளிப்பட்டிருக்காது. அதனால் நமக்கும் அரவணைப்பை நமது குழந்தைகளுக்கு கொடுப்பதில் தயக்கம் இருக்கலாம்.



உலகத்துல இருக்கிற ஒவ்வொரு உயிரினமும் அதோட குட்டிகளுக்கு அரவணைப்புகளை கொடுத்துக்கிட்டு இருக்கு. வீட்டுல வளர்கிற நாய், பூனை, ஆடு மாடுகளாக இருக்கட்டும், பறவைகள், காட்டு விலங்குகள் என்று  எல்லாமே அதன் அன்பை வாய் மொழிகளோட நிறுத்தாம உடல் மொழிகளாகவும் காட்டுகிறது.

எந்த உயிரினமும் எப்போதும் அரவணைப்பை கொடுத்து கொண்டே இருப்பதில்லை. குட்டிகள் வளர வளர அந்த அரவணைப்பு குறைகிறது. அதன் குட்டிகள் தனியாக வாழ தயாராகவும் அதன் அரவணைப்புகள் நின்று விடுகிறது.

இந்த அரவணைப்பு நாம் குழந்தைகளுக்கு கொடுப்பது காப்பீடு போன்றது. வாய் மொழி வழியாக கொடுக்கும் அரவணைப்பு அவர்கள் மீது நாம் காட்டும் அன்பை முழுவதுமாக கொண்டு சேர்ப்பதில்லை. நான்கு வயதிற்கு கீழ் இருக்கும் குழந்தைகளுக்கு நாம் சொல்வது கட்டளையா, அன்பா, கண்டிப்பா என்று வேறுபடுத்தி பார்க்கிற அளவிற்கு தெரியுமா என்பதே சந்தேகம்.



குழந்தைகளின் உணர்வு திரும்ப சார்ஜ் செய்துகொள்ளப்படும் பேட்டரி போன்றது. ஒரு வயதிற்கு கீழ் உள்ள குழந்தைகள் நமது இருப்பை நிமிடத்திற்கு ஒருமுறை எதிர் பார்ப்பர். எங்கு இருந்தாலும் நம்மை தேடி வருவர்.நம்மை ஒரு காந்த புலம் மாதிரி சுற்றி சுற்றி வருவர்.  இரண்டு வயதாகும் போது, நம்மை தேடி வருவது சற்று குறைந்து அவர்களாக ஒரு மணி நேரம் நம்மை தேடாமல் விளையாடுவார்கள். அவர்களின் அன்பு என்ற பேட்டரி சார்ஜ் தீர்ந்தவுடன் நம்மை தேடி வருவார்கள். இப்படியே வயது கூட கூட இந்த தேடல் குறையும். அதற்காக இனி அவர்களுக்கு இந்த அரவணைப்பு தேவை இல்லை என்பது அல்ல. எவ்வளவு வயதானாலும் அன்பென்ற பேட்டரியை சார்ஜ் செய்ய வேண்டும். இது ஒரு அச்சய பாத்திரம் போன்றது. நிறைந்தால் அற்புதங்களை பார்க்கலாம். அது எவ்வளவு வேகமா, ஆழமாக, அழுத்தமாக அது நிரப்ப படுகிறது என்பதே இங்கு கேள்வி.

குழந்தைகளுக்கு பெற்றோராகிய நாம் நிரப்பாவிட்டால், என்றாவுது ஒரு நாள் அது நிரம்பும் என்ற ஏக்கத்துடனும், வேறு யாரிடமாவது அன்பு கிடைத்தால் அவர்களிடமும் அவர்கள் மிகவும் நெருங்கி பழகுவர்.

நண்பர்களிடமும் ஒரு விதமான தோழமை அன்பு கிடைக்கும். பெற்றோரின் அன்பு, உறவினர்களின் அன்பு என்று சமச்சீரான அன்பாக கிடைக்க பெற வேண்டும்.  

Popular posts from this blog

பழக்கப்படுத்தல்

-
Image
குழந்தைக விளையாடுறதுக்கான விளையாட்டு மைதானம் வீட்டுல இருந்து 2 கிலோமீட்டர் தூரத்துல   இருக்கு . நேற்று எல்லாரும் போயிருந்தோம் . இதற்கு முன்னாடி பலமுறை போயிருந்தாலும் , குழந்தைகளுக்கு சலிப்பே தட்டாத அளவிற்கு விளையாட்டு சாதனங்கள் வடிவமைக்கப் பட்டிருக்கிறது . சலிப்பு குழந்தைகளுக்கு மட்டும் அல்ல , எங்களுக்கும் சேர்த்துதான் . எங்களுக்கும்ன்னு நான் சொன்னது பிள்ளைங்க விளையாடுறத வேடிக்கை பார்க்கங்க .
வாசிக்க ...

பிராங்க்ஸ் மிருகக்காட்சிசாலை(Bronx Zoo)

-
Image
இரெண்டு வாரத்துக்கு முன்னாடி    நண்பர் குடும்பமும்   நாங்களும் பிராங்க்ஸ் மிருகக்காட்சிசாலை ( Bronx Zoo க்கு ) சென்றிருந்தோம் . நாங்க இருக்கற இடத்துல இருந்து 90 கிலோமீட்டர் தூரம் . 265 ஏக்கர் பரப்பளவு . நியூயார்க் நகரத்துக்குள்ள பிராங்க்ஸ்ன்ற நகரத்துல இருக்கு . இதன் நடுவுல்   பிராங்க்ஸ் ஆறு ஓடுது . அதனாலயே இந்த காட்சியகத்துக்கு   பிராங்க்ஸ் மிருக காட்சியகமுன்னு பெயர் . மொத்தம்  6000 வகையான உயிரினங்கள் . குழந்தைகள் பூங்கா ,  மனிதக் குரங்கு   குடம் , ஆசிய உலக காடுகள் ,  பட்டாம்பூச்சி தோட்டம் , கடல் சிங்கம் , மடகாஸ்கர் பகுதி விலங்குகள் , 4 பரிமாண திரையரங்கம் , வண்டு சவாரி , டைனோசர் சவாரி , ஒட்டக சவாரி என்று குழந்தைகளுக்கு மனம் நிறைய , கால்கள் சலிக்க அலைந்து திரிய நல்ல இடம் .
வாசிக்க ...

படமும் குழந்தைகளும்

-
Image
வரலாற்று கோப்புகளில் இருந்து ஒரு துளி. "மே 29, 2017 அன்று எனக்கு அதிக சந்தோசமா இருந்தது.மனம் மிகவும் தெளிவாக, பத்து குதிரை வேகமெனும் ஓட தயாராக உள்ளது. நூறு யானை பலமேனும் இழுத்து பார்த்திட வேண்டும் என்று இருக்கிறது. மனித இயந்திரமாக ஓடி கொண்டிருக்கும் நாட்களுக்கு இடையில் எது என்னை இவ்வளவு சந்தோசப் படுத்தியது. இவ்வளவு மாற்றத்தை கொடுத்த அந்த நிகழ்வு எது!!. இளையவன்(3 வயது) மூன்று வார்த்தைகளை கோர்வையாக பேச அதை நான் கேட்ட தருணமா, அல்லது பெரியவன்(வயது 5.5) கண்ணில் இருந்து சிறு உப்பு நீர் வர காரணமாக இருந்த அந்த படத்தின் காட்சிகளா!.
வாசிக்க ...